Արմավիրի մարզի Արագած գյուղի 15/47 տեղամասում այս պահի դրությամբ քվեարկել է ընտրողների մոտ 30 %-ը:

Այս տեղամասում գրանցված 1108 ընտրողից 14:58 դրությամբ քվեարկել է 324 հոգի:

Ինչպես Արմավիրի մարզի մի շարք տեղամասերում, այստեղ ևս որոշ քաղաքացիներ լավ չգիտեին քվեարկելու կարգը:

Այս տեղամասում գրանցվել է 27 օգնող, ինչը նշանակում է, որ ամեն 12-րդ քվեարկող օգնության կարիք է ունեցել:

Սա «Իմ քայլ» կուսակցության ռեյտինգային թեկնածու Արգիշտի Մեխակյանի գյուղն է, և ամեն քայլափոխի դեռ փակցված էին իր նախընտրական պաստառները: 

Դրանք կարելի էր տեսնել նաև ընտրատեղամասի մոտակայքում։

Դրսում խումբ-խումբ կանգնած են գյուղի տղամարդիկ, իսկ ներսում հանձնաժողովի անդամներն ընդիմջում են անմիջապես տեղամասում:

Վստահված անձինք ներկա են 3 քաղաքական ուժի կողմից` «Իմ քայլը», «Մենք» և «ՀՅԴ»:

Հիշեցնենք, որ այսօր Ազգային Ժողովի արտահերթ ընտրություններ են, որին մասնակցում է քաղաքական 11 ուժ։ Ընտրողների ընդհանուր թիվը 2 միլիոն 573 հազար 779 է։