Արմավիրի մարզի Հայթաղ գյուղի 15/38 տեղամասում ընտրողների հոսքն այս պահին քիչ է, չնայած որ 13:24 դրությամբ քվեարկել է ընտրողների 18 %-ը:

Մասնավորապես, գրանցված 1116 ընտրողից 13:24 դրությամբ քվեարկել է 204 հոգի, ինչը կազմում է ընտրողների 18 տոկոսը:

Ներկա են վստահված անձինք 3 քաղաքական ուժի կողմից` «Իմ քայլը», «Բարգավաճ Հայաստան» և «Մենք»: Կան նաև միջազգային դիտորդներ: 

Ինչպես Էջմիածնի համայնքի այլ տեղամասերում, այստեղ ևս քվեարկելու կարգը պարբերաբար բացատրելու կարիք է լինում:

Այս տեղամասում գրանցվել է 15 օգնող:

Հիշեցնենք, որ այսօր Ազգային Ժողովի արտահերթ ընտրություններ են, որին մասնակցում է քաղաքական 11 ուժ։ Ընտրողների ընդհանուր թիվը 2 միլիոն 573 հազար 779 է։