All.me թվային ցանցը, որը արտաքին գործերի նախարարության պաշտոնական գործընկերն է՝  AA.M GROUP, հանդիսանում է հոկտեմբերի 7-ից 12-ը Երևանում անցկացվող «Ֆրանկոֆոնիա-2018» երկրների համաշխարհային գագաթնաժողովի կազմակերպիչներից մեկը:

All.me գլխավոր ներկայացուցիչները՝ Զարգացման գծով գլխավոր տնօրեն Արտակ Թովմասյանը և փոխտնօրեն Ռավի Վալիան, ելույթ կունենան Թումո ստեղծարար տեխնոլոգիաների կենտրոնում անցկացվող տնտեսական համաժողովում: «Չորրորդ արդյունաբերական հեղափոխությունը և աշխատանքային շուկայի ապագան» նիստի շրջանակներում նրանք կներկայացնեն նոր տեխնոլոգիաների և բլոկ-շղթաների դերը աշխարհում:

Գագաթնաժողովի շրջանակներում All.me-ն կներկայացնի իր սեփական հարթակը՝ Digital Space, որտեղ կցուցադրվի թվային արվեստ՝  ստերեո տպագրություն, 3D պրոյեկցիա և տեսանյութեր: Այստեղ կարող են մուտք ունենալ all.me թվային ցանցի օգտատերերը:

Հարթակում հնարավոր կլինի ստանալ թարմ տեղեկատվություն, ունենալ թեմատիկ լուսանկար, ձեռք բերել ME-token-ներ և վիրտուալ իրականության ակնոցներ: All.me դիզայներների կողմից Digital Space հարթակում կանցկացվի արհեստավարժ դասընթաց՝ «Թվայինի և իրականության միջև: Ստեղծի՛ր քո սեփական ցանցը» թեմայով:

Լուսային էֆեկտների առկայությունը կապահովի all.me գործընկեր Laser Dance Studio- ն՝ Arloopa- ի հետ համատեղ: All.me- ն կանցկացնի թվային ֆլեշմոբ, ինտերակտիվ վիրտուալ իրականություն և մրցույթ՝ ընդգծված իրականության տարրերով: Հաղթողները կստանան մրցանակներ և նվերներ all.me- ի և Arloopa- ի կողմից: