Փաստաբաններ Հայարփի Սարգսյանը եւ Արա Ղարագյոզյանը ոստիկանության Արաբկիրի բաժնից տեղեկացնում են, որ ավելի քան 5 ժամ է այնտեղ են գտնվում բերման ենթարկված ցուցարարները: Իրենց 33 պաշտպանյալներին բերման ենթարկելու համար օրենքով նախատեսված 3 ժամը վաղուց լրացել է, ոստիկանությունը վարչական վարույթի բոլոր գործողություններն իրականացրել է, սակայն շարունակում են նրանց պատանդի կարգավիճակում պահել այնտեղ: Փաստաբանների ասելով՝ իրենց պատպանյալներից երկուսի նկատմամբ ոստիկանները բռնություն են գործադրել, նրանցից մեկին՝ Մերի Գալստյանին, նաեւ սեռական բնույթի հայհոյանքներ են տվել: