Հայաստանի 17 լրագրող և լրատվամիջոց արժանացավ Հայաստանի մանուկներ հիմնադրամի (COAF) ամենամյա մրցանակներին։ Մրցույթը կրում էր «Ներառականությունը Հայաստանում» խորագիրը։ Այս մասին տեղեկացնում է Հայաստանի մանուկներ հիմնադրամը:

Մրցույթի ընթացքում լրատվամիջոցների տեսակի սահմանափակում չի եղել։ Դիտարկվել են հեռուստաընկերությունները, ռադիոընկերությունները, առցանց լրատվամիջոցները, տպագիր մամուլը և լրատվական գործակալությունները: Հայտերն ընդունվել են երևանյան և մարզային լրատվամիջոցներից։

Անկախ ժյուրիի անդամներն էին.

• Դերենիկ Մալխասյան, Հանրային լրագրության ակումբ
• Հակոբ Բերբերյան, ֆոտոժուռնալիստ
• Սերոբ Խաչատրյան, կրթության փորձագետ

Ներառականության թեմայով Հիմնադրամի կողմից 2017 թ. հունիսին ԶԼՄ-ների համար անցկացված սեմինարից հետո հայտարարված մրցույթում ուսումնասիրվել են 2017 թ. հուլիսի 1-ից դեկտեմբերի 15-ը հայաստանյան լրատվամիջոցներում տեղ գտած նյութերը՝ հետևյալ անվանակարգերում.

• Ներառականության թեմայով ամենախորքային հրապարակումը
• Ներառականության թեմայով ամենաազդեցիկ լուսանկարը։

Հաղթող հրապարակումների հեղինակներն են՝

• Արմինե Օլեյան, «Ար» հեռուստաընկերություն
• Դիանա Ղազարյան և Սարո Բաղդասարյան, «Հետք» ինտերնետային թերթ
• Հասմիկ Դիլանյան, Հայաստանի հանրային ռադիո
• Մարիամ Խալաթյան, Շիրակի հանրային ՀԸ

Հաղթող լուսանկարի հեղինակն է՝

• «Ֆոտոլուր» լրատվական գործակալություն

«Ներառականության արդիական ու զգայուն թեման կարիք ունի գրագետ և համակողմանի ներկայացման։ Հայաստանի մանուկներ հիմնադրամը համագործակցում է նյութով հետաքրքրված լրագրողների և լրատվամիջոցների հետ՝ համատեղ աշխատանքը դնելով մասնագիտական բարձր մակարդակի վրա»,- ասաց Հայաստանի մանուկներ հիմնադրամի գործադիր տնօրենի պաշտոնակատար Ինեսսա Գրիգորյանը։

Ավանդաբար մրցանակների արժանացան նաև Հայաստանի մանուկներ հիմնադրամին 2017 թ. ամբողջ ընթացքում ամենահաճախն անդրադարձած լրատվամիջոցները.

• «Panarmenian.net» լրատվական ծառայություն
• «Արմենպրես» լրատվական գործակալություն
• «Երկիր մեդիա» հոռուստաընկերություն
• Հայաստանի հանրային ռադիո

Ամեմաբազմազան հրապարակումներով Հիմնադրամին անդրադարձած լրագրողներն են՝

• Գայանե Մելիքյան, «Երիտասարդ» առցանց պարբերական
• Մերի Կոլոլյան, «Անկյուն+3» ՀԸ
• Սաթիկ Իսահակյան, «Ռադիոլուր»
• Սիրարփի Աղաբաբյան, «168 ժամ» թերթ

Հայաստանի մանուկներ հիմնադրամը սահմանել է նաև հատուկ մրցանակներ 2017 թ. ընթացքում ցուցաբերած հետաքրքրության, վերաբերմունքի, համագործակցության և հաստատած բարեկամության համար.

• «Ճամփորդ» թերթ
• «Ռադիո Վան»
• Անահիտ Կարապետյան, «Ֆորտունա» հեռուստաընկերություն
• Արտակ Ալեքսանյան, «Արմենիա» հեռուստաընկերություն