Սեպտեմբերի 18-20-ը Երևանում կայանալիք «Հայաստան-սփյուռք» 6-րդ համահայկական համաժողովին մասնակցելու նպատակով Հայաստան ժամանող օտարերկրյա քաղաքացիները կազատվեն մուտքի արտոնագրի տրամադրման համար նախատեսված պետական տուրքի վճարումից:

Սփյուռքի նախարար Հրանուշ Հակոբյանի առաջարկով գործադիրը այսօրվա նիստում հաստատեց որոշման այս նախագիծը։

Հավելենք, որ պետական տուրքը նախատեսված է վճարել պետական բյուջեով նախատեսված կառավարության պահուստային ֆոնդի հաշվին։