Տեսանյութեր
Լուսանկարներ
«Հետքը»՝ «ՄԻԱՎ/ՁԻԱՀ խնդրի ջատագով 2011»-ի մրցանակակիր
Այսօր` ՁԻԱՀ-ի դեմ պայքարի համաշխարհային օրը, պարզ դարձավ «ՄԻԱՎ/ՁԻԱՀ խնրի ջատագով 2011» մրցանակակիրների անունները: Ընտրությունը իրականացվել էր` ըստ քվեարկողների ձայների մեծամասնության, ինչի արդյունքում այս տարվա ՄԻԱՎ/ՁԻԱՀ-ի խնդրի ջատագովեր են ճանաչվել.
- հանրային գործիչ` Ռալֆ Յիրիկյան, «Վիվասել-ՄՏՍ» ընկերության գլխավոր տնօրեն,
- ԶԼՄ` «Հետք» online թերթ, գլխավոր խմբագիր` Էդիկ Բաղդասարյան
- տեղական հասարակական կազմակերպություն` «Հանրային տեղեկատվություն և գիտելիքի կարիք» հկ-ն` նախագահ Մամիկոն Հովսեփյան,
- միջազգային կազմակերպություն` Բաց Հասարակության Հիմնադրամներ - Հայաստան, ղեկավար` Լարիսա Մինասյան,
- պետական կառույցի ներկայացուցիչ` Պետրոս Սեմերջյան, Հանրապետական նարկոլոգիական կլինիկա,
- մշակութային գործիչ` DJ Vakcina:
Մրցանակաբաշխությունը կազմակերպվել է ՁԻԱՀ-ի խնդրի ջատագովության խմբի կողմից:
Մրցանակաբաշխության ժամանակ առանձնացված էին վեց անվանակարգեր` տարբերակված համաձայն ՄԻԱՎ/ՁԻԱՀ-ի կանխարգելմանն ու մարդու իրավունքերի պաշտպանությանն ուղղված գործունեության ոլորտների: Անվանակարգերը հետևյալն էին.
- տեղական հասարակական կազմակերպություն/ներկայացուցիչ,
- միջազգային կազմակերպություն/ներկայացուցիչ,
- պետական կառույց/ներկայացուցիչ,
- հանրային գործիչ,
- մշակութային գործիչ,
- ԶԼՄ/լրագրող:
Հանձնվեցին նաև շնորհակալագրեր Առողջապահության փոխնախարար Սերգեյ Խաչատրյանին, Հակաթմրամոլային քաղաքացիական դաշինք ՀԿ-ին (նախագահ` Արթուր Պոտոսյան), ՁԻԱՀ-ի կանխարգելման հանրապետական կենտրոնի տնօրեն Սամվել Գրիգորյանին, ՄԱԿ-ի ՄԻԱՎ/ՁԻԱՀ-ի միացյալ ծրագրի ղեկավար Նաիրա Սարգսյանին, «Առավոտ» օրաթերթին (գլխավոր խմբագիր` Արամ Աբրահամյան), լուսանկարիչ Հակոբ Պողոսյանին ՄԻԱՎ/ՁԻԱՀ-ի խնդրի ջատագովության մեջ կարևոր ներդրում ունենալու համար: Հնչեցին բազմաթիվ երախտիքի և շնորհակալական խոսքեր:
***
ՁԻԱՀ-ի խնդրի ջատագովության խումբը չորս հասարակական կազմակերպությունների` «Հանրային տեղեկատվություն և գիտելիքի կարիք», «Իրական աշխարհ, իրական մարդիկ», «Կանանց ռեսուրսային կենտրոն», «Դրական մարդկանց հայկական ցանց» և ՄԱԿ-ի ՄԻԱՎ/ՁԻԱՀ-ի միացյալ ծրագրի նախաձեռնությունն է, որը նպատակ ունի իրականացնել համատեղ գործողություններ խոցելի խմբերի իրավունքների պաշտպանության և իրավունքների ջատագովման շուրջ, ինչպես նաև հանրային ուշադրությունը սևեռել սեռական առողջության խնդիրներին:
Մեկնաբանել