Այս տարվա հունվար-օգոստոսին մարդասիրական օգնության կարգով Հայաստան է ուղարկվել 3.66 հազ. տոննա ապրանք, որի արժեքը կազմել է մոտ 14.8 մլրդ դրամ կամ 30.7 մլն ԱՄՆ դոլար:

Ինչպես տեղեկանում ենք ՀՀ ազգային վիճակագրական ծառայությունից, 2015թ. նույն ամիսների համեմատ մարդասիրական օգնության ծավալն աճել է 29.3%-ով։ Խոսքը դոլարային արժեքի աճի մասին է։

Ստացված օգնության կեսից ավելին կազմել է քիմիայի և դրան առնչվող արդյունաբերության ճյուղերի արտադրանքը։

Տվյալները ԱՎԾ-ին տրամադրել է ՀՀ կառավարությանն առընթեր պետական եկամուտների կոմիտեն։

Ըստ ՀՀ ԱՎԾ տվյալների

Առավել մեծ ծավալի մարդասիրական օգնություն է ստացվել ԱՄՆ-ից, Շվեյցարիայից ու Չինաստանից։

Ըստ ՀՀ ԱՎԾ տվյալների