Մի քանի քաղաքացի մագլցելով Աֆրիկյանների շենք էին բարձրացել՝ այդպիսով արտահայտելով իրենց վերաբերմունքը հանրապետական նշանակության ճարտարապետական այդ հուշարձանի քանդման մասին: 

Ոստիկանները նրանց հորդորում էին իջնել. քաղաքացիները պատասխանում էին, որ կիջնեն, եթե ոստիկանությունը ձևակերպի որևէ օրինական պահանջ:

Մոտ մեկ ժամ վերևում մնալուց հետո քաղաքացիներն իջան: Ոստիկանությունը նրանց զգուշացրեց, որ եթե այսուհետ կարգ խախտեն, ապա բերման կենթարկվեն: