ԱԺ պատգամավոր Խաչատուր Քոքոբելյանն առաջարկում է էլեկտրաէներգիայի սակագնի թանկացումն ուսումնասիրելու հարցով ստեղծել ժամանակավոր հանձնաժողով:

ԱԺ արտահերթ նիստում Քոքոբելյանը վարման կարգով հայտարարեց, թե գաղտնիք չէ, որ հանրության մեջ դժգոհություն կա հոսանքի գնի բարձրացման հետ կապված, ու խորհդարանական լսումներն այս թեմայով, որոնք Հանրային ծառայությունները կարգավորող հանձնաժողովի կողմից երեկ կազմակերպվել էին, ցույց տվեցին, որ հասկանալի չէ, թե ինչ պայմաններում են կատարվել ներդրումներ: Ուստի պատգամավորը առաջարկեց էներգետիկ համակարգի ուսումնասիրման համար ստեղծել ժամանակավոր հանձնաժողով: