Այսօր` ժամը 12:00-ի սահմաններում, Սևանա լճի ափին գտնվող՝ անհատ ձեռներեց Ջիվան Աֆրիկյանի կողմից վարձակալական հիմունքներով օգտագործվող տարածքում, խաղալիս կորել է Երևանի Մալաթիա-Սեբաստիա վարչական շրջանի բնակիչ, 5-ամյա Էդուարդ Սիրամարգյանը:

Ինչպես հայտնում է ֆոտոլրագրող Գագիկ Շամշյանը, սկսվել են որոնողական լայնածավալ աշխատանքներ, որոնցում ներգրավված են Փրկարար ծառայության Գեղարքունիքի մարզի հրշեջ-փրկարարները և ջրասուզակները, ոստիկանության Գեղարքունիքի մարզային վարչության եւ Սևանի բաժնի աշխատակիցները:

Սևանի բաժնի քրեական հետախուզության բաժանմունքի օպերլիազոր Լևոն Առաքելյանի կողմից երեխայի մոր` Հասմիկ Գրիգորյանի անունից ընդունվել է հայտարարություն:

Դեպքի վայրում հավաքվածները ֆոտոլրագրողին պատմել են, որ կորելուց առաջ երեխան խաղալիս է եղել իր չորս տարեկան եղբոր հետ: Որոնողական աշխատանքներում ակտիվորեն ներգրաված են նաեւ լճափին հանգստացողները: Իսկ հարակից անտառում որոնողական աշխատանքներն իրականացվում են ձիերով: Դեպքի վայր է բերվել նաեւ հատուկ վարժեցված շուն:

Ոստիկանության աշխատանքները ղեկավարում է ոստիկանության Գեղարքունիքի մարզային վարչության պետի օպերգծով տեղակալ, ոստիկանության գնդապետ Արշակ Կարապետյանը:

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Լուսանկարները` Գագիկ Շամշյանի