Այսօր տուբերկուլյոզի դեմ պայքարի համաշխարհային օրվա կապակցությամբ Հայկական կարմիր խաչի ընկերությունը (ՀԿԽԸ) անցակցնում էր իրազեկման ակցիա:

«Երիտասարդական» մետրոյի հարևանությամբ մի խումբ կամավորներ անցորդներին էին բաժանում հիվանդության վերաբերյալ բուկլետներ, ինչպես նաև բացատրում էին հիվանդության պատճառները, պաշտպանման միջոցները և պատասխանում նրանց հարցերին:

Ակցիայի նպատակն էր` իրազեկել մարդկանց հիավնդության մասին և տարածել այն գաղափարը, որ տուբերկուլյոզը հնարավոր է բուժել: Ակցիան տևել է մոտ 2 ժամ:

Տուբերկուլյոզը ախտորոշում է, ոչ թե վճիռ:

Տուբերկուլյոզը բուժվող հիվանդություն է:

Ժամանակին բժշկի դիմելու և ճշգրիտ բուժում ստանալու դեպքում տուբերկուլյոզը լիովին բուժելի է:

2012 թ.-ի տվյալներով Հայաստանում հաշվառված է 3437 տուբերկուլյոզով հիվանդ: ՀՀ-ում բուժումը կատարվում է անվճար` պետական պատվերի շրջանակներում:  

Տուբերկուլյզոը անվանում են նաև Կոխի ցուպիկ կամ բացիլ: Հիվանդությունը տարածվում է օդակաթիլային ճանապարհով: Բուժումը երկարատև է և բաղկացած երկու փուլից: Ինտենսիվ փուլը տևում է 2-3 ամիս` հիվանդանոցային պայմաններում:

Իսկ երբ արդեն հիվանդը վարակի աղբյուր չէ, նա բուժում է ստանում ամբուլատոր պայմաններում, որը տևում է 4-5 ամիս: Բժշկի հսկողությունը պարտադիր է:

Տուբերկույլոզի դեմ պայքարի համաշխարհային օրը մարտի 24-ն է սկսած 1882 թ.-ից, երբ գերմանացի մանրէաբան Ռոբերտ Կոխը հայտարարեց տուբերկուլյոզի հարուցիչի հայտնաբերաման մասին: