Մեր պայքարի վախճանը չի լինելու, սա մեր սկիզբն է` հայտարարեց Րաֆֆի Հովհաննիսյանը հանրահավաքի ավարտին: Հանրահավաքը, նրա բնորոշմամբ,  «հայ ժողովրդի ազատության, արժանապատվության և իրավունքի» սկիզբն է,  և մենք «սկզբի մեջ ենք»:

«Մենք հպարտ ենք մեր պետական ծառայողներով, ոստիկաններով, անվտանգության ծառայողներով, զինվորներով... Արդեն պահը եկել է, երբ բոլորը գիտակցում են, որ որևէ անիրավ հրահանգ չպիտի կատարվի»` նշեց Ր. Հովհաննիսյանը:

Նա իր և «ժողովրդի անունից» ավելացրեց, որ հրամայում է ոստիկաններին, ազգային անվտանգության ներկայացուցիչներին «այսօր և միշտ ապահովել ժողովրդի անվտանգությունը սրբավայր հրապարակից սկսած»:

Հանրահավաքն ավարտվել է, բայց Րաֆֆի Հովհաննիսյանը մնում է հրապարակում իր կողմնակիցների հետ:

Լուսանկարը` Սոնա Սիմոնյանի