«Թրանսփարենսի Ինթերնեյշնլ-Հայաստան» կազմակերպության անդամ, Արարատի մարզի 17/05 ընտրատեղամասի դիտորդ Նարինե  Էսմայելը «Հետքի» թղթակցին քիչ առաջ  հաղորդել է մանրամասներ կատարված լցոնման դեպքի մասին:

Նրա տեղեկացմամբ` քվեաթերթիկների հաշվման գործընթացի սկսվելուց հետո պարզվել է, որ քվեատուփի կնիքը վնասված է եղել մի կողմից, ինչն էլ հաստատում է, որ լցոնում տեղի է ունեցել:

Ընդ որում, ըստ Նարինեի, հաշվման գործընթացի ավարտից հետո պարզվել է, որ քվեատուփում կա 1300 քվեաթերթիկ: Իսկ գրանցամատյանում ստորագրած անձանց թիվը մոտ 1000 է, այսինքն` 300 ձայնով պակաս: Նարինե Էսմայելը հաղորդել է«Հետքի» թղթակցին, որ այս ամենը ձայնագրված է: Սակայն, ինչպես նշում է մեր լրագրողը, վերահաշվարկից հետո ՏԸՀ-ի նախագահն ասել է, որ թերթիկներն ու ստորագրությունները համապատասխանում են իրար: