
Հրանտ Բագրատյան. «Մեզ չի կարելի վախացնել իրենց փորի մկաների ճռճռոցով»
2013թ.-ի բյուջեի քննարկումների ժամանակ ՀԱԿ խմբակցության անունից ելույթ ունեցավ պատգամավոր Հրանտ Բագրատյանը: Նա մի շարք կետերով քննադատեց բյուջեի նախագիծը՝ նշելով, որ երկրի գլխավոր ֆինանսական փաստաթուղթը որեւէ առաջընթաց երկրի եւ քաղաքացիների համար չի ապահովելու եւ որոշ դեպքերում նույնիսկ նահանջ է արձանագրելու:
«Մարդ քիչ ա մնում ցխկվի: ՀԱԿ-ը գտնում է, որ այստեղ բյուջե չկա»,-ավելացրեց Հ. Բագրատյանը: «Պետք չի ցխկվել, դուք մեզ պետք եք»,-արձագանքեց ԱԺ փոխնախագահ Էդուարդ Շարմազանովը:
Ընդդիմադիր պատգամավորը նաեւ նշեց, որ կենտրոնական բանկի փոխնախագահներից մեկը (Ներսես Երիցյանն էր,-հեղ.) քննադատական խոսք լսելուց հետո ԱԺ ամբիոնից նույնիսկ սպառնաց, թե իր ձայնը կբարձրացնի: Հրանտ Բագրատյանը, դիմելով ԱԺ փոխնախագահներին, ասաց. «Մեզ չի կարելի վախացնել իրենց փորի մկաների ճռճռոցով»:
Մեկնաբանել