Հայաստանի երիտասարդական հիմնադրամը վաղը Հյուսիսային պողոտայում կանցկացնի Բալուն ֆիեստա (Balloon Fiesta)։ Ամենամյա ծրագրի նպատակն է համախմբել Երևանի և մարզերի երիտասարդներին։

Երիտասարդները գունավոր փուչիկների վրա կգրեն իրենց ամենանվիրական երազանքները և դրանք բաց կթողնեն երկինք: Ծրագրին կմասնակցի ավելի քան 5000 երիտասարդ Երևանի պետական և ոչ պետական բուհերից, ինչպես նաև հանրապետության մարզերից:

Միջոցառումը կուղեկցվի համերգով. իրենց կատարումներով հանդես կգան տարբեր բուհերի շնորհալի ուսանողներ։ Կանցկացվեն նաև տարաբնույթ մրցույթներ, որոնց հաղթողները կպարգևատրվեն: