2011 թ. մայիսի 31-ին ոստիկանության Գորիս քաղաքի քննչական բաժանմունքում քրեական գործ է հարուցվել անչափահաս աղջկա հետ սեռական հարաբերություններ ունենալու դեպքի հետ կապված:

Մեր ունեցած տեղեկություններով` դատաբժիշկ-փորձագետի տված եզրակացության համաձայն` անչափահաս աղջիկը 13 շաբաթական հղիություն ունի, որն ընդհատելու համար աղջկա մայրը դիմել է Երեւանի հիվանդանոցներից մեկին:

Հիշեցնենք, որ աղջիկն ու մայրը ոստիկանությանը ներկայացրած հաղորդագրությամբ հայտնել են, որ աղջկա հետ սեռական հարաբերություն է ունեցել հայրը:

Քրեական օրենսգրքի 141 հոդվածով հարուցված (սեքսուալ բնույթի գործողություններ կատարելը տասնվեց տարին չլրացած անձի հետ) քրեական գործի նախաքննության շրջանակներում նշանակվել է դատագենետիկական փորձաքննություն: