Առողջապահության նախարարությունից հայտնում են, որ այսօր Գյումրիում տեղի ունեցած խոշոր ավտովթարի հետևանքով տուժել և հոսպիտալացվել է 5 քաղաքացի:

Վիրավորներից 4-ի առողջական վիճակը գնահատվում է միջին ծանրության, որից մեկը երեխա է՝ բազմակի կոտրվածքներով: Ցավոք, 1-ի կյանքը փրկել չի հաջողվել:

Հիշեցնենք, որ այսօր՝ ժամը 10։13-ին, Շիրակի մարզի Գյումրի քաղաքի Գարեգին Նժդեհի փողոցի 13 հասցեի մոտակայքում ահազանգով դեպքի վայր մեկնող փրկարար ծառայության ավտոմեքենայի մասնակցությամբ վթար էր տեղի ունեցել։ Բախվել էին 5 տրանսպորտային միջոց։ Պատահարի հետևանքով վեց անձ, այդ թվում՝ երեք փրկարարական ծառայող, տեղափոխվել էր բժշկական հաստատություններ։ Ավտոմեքենաներից մեկի վարորդը, ստացած մարմնական վնասվածքների հետևանքով, մահացել է։