Կառավարությունը մարտական գործողությունների ընթացքում զոհված կամ անհետ կորած զինվորների ծնողների համար աջակցության գումարն ավելացրել է։ Ըստ որոշման՝ փոխնակ մոր ծառայություններից օգտվելու ծախսերի փոխհատուցման համար կսահմանվի առավելագույնը 8 մլն դրամ՝ 5․5 մլն դրամի փոխարեն: Կառավարությունն այս որոշմանը հանգել է՝ հաշվի առնելով նախորդ 3 տարիների գնաճը: Կառավարության հաշվարկով՜ շահառուները նոտարական կարգով պայմանագրերը փոխնակ մայրերի հետ 2024 թվականին կնքել են միջինում 7.4 մլն դրամով:

2025 թվականի պետական բյուջեով նախատեսված է 82.3 մլն դրամ 10 շահառուի համար, վճարման ենթակա գումարը 2025-ին կազմում է 55․3 մլն դրամ։ Նախատեսում են, որ ևս երկու շահառու կդիմի։ Իսկ դոնորական ձվաբջջի ձեռքբերման ծախսերը փոխհատուցելու համար նախատեսված է շուրջ 27 մլն դրամ: 

Լուսանկարը՝ primeminister.am կայքից