Երևանի ավագանու «Հանրային ձայն» խմբակցության ղեկավար Վահան Ավագյանն առաջարկում է տրանսպորտային փաթեթներից օգտվելու արտանություն տրամադրել նաև 3-րդ խմբի հաշմանադամություն ունեցող անձանց՝ զինվորական ծառայության հետ պատճառական կապով։ Որոշման նախագիծը քննարկվեց ավագանու մարտի 18-ի նիստում։

Հիշեցնենք, որ մինչ այս հանրային տրանսպորտից անվճար երթևեկելու իրավունք ունեին ֆունկցիոնալության խորը և ծանր աստիճանի սահմանափակում ունեցող անձինք (1-ին և 2-րդ խումբ)։

Ըստ խմբակցության ներկայացրած նախագծի՝ զինվորական ծառայության հետ պատճառական կապով 3-րդ խմբի հաշմանդամություն ունեցող անձինք ևս պետք է անվճար երթևեկեն՝ հաշվի առնելով, որ վերջիններս իրենց առողջությունը և բարեկեցությունը նվիրել են հայրենիքի պաշտպանությանը։

Երևանի ավագանին 51 կողմ ձայնով ընդունեց որոշման նախագիծը։ Որոշումն ուժի մեջ կմտնի ապրիլի 10-ից։