Ռուսական զորքերը հարվածային անօդաչուներով հարձակվել են Կիևի մի քանի շրջանների վրա։ Այդ մասին հայտնել են Կիևի մարզային զինվորական վարչակազմի ղեկավար Նիկոլայ Կալաշնիկը և քաղաքային զինվորական վարչակազմի ղեկավար Թիմուր Տկաչենկոն։

Ուկրաինայի արտակարգ իրավիճակների պետական ծառայությունից հայտնել են, որ Բրովարի շրջանում հարձակման հետևանքով վնասվել է բեռնատար ավտոմեքենա, վարորդը մահացել է, նա 25 տարեկան էր։ 

Ֆաստովի շրջանում անօդաչու թռչող սարքերի բեկորների ընկնելու պատճառով վնասվածքներ է ստացել 23-ամյա մի աղջիկ, նրան հիվանդանոցում օգնություն են ցուցաբերել:

Բելոցերկովի շրջանում էլ վնասվել են բնակելի 4 տներ և տնտեսական նշանակության մեկ կառույց, տուժել է 3 մարդ։ Նիկոլայ Կալաշնիկի տվյալներով՝ դրանց թվում կա 16-ամյա մի դեռահաս, նրա հայրն ու 68-ամյա մի կին։

Տկաչենկոյի տվյալներով՝ հրդեհ է առաջացել նաև Կիևի Դարնիցկի շրջանի բնակելի տներից մեկում։ Այն մարվել է, տուժածներ չկան։

Լուսանկարը՝ Ուկրաինայի արտակարգ իրավիճակների պետական ծառայության մամուլի ծառայության