Լիբանանի տարածքից անօդաչու թռչող սարք է արձակվել Իսրայելի Կեսարիա քաղաքում այդ երկրի վարչապետ Բենյամին Նեթանյահուի տան ուղղությամբ։ Հարձակման հետևանքով տուժածներ չկան։ Այդ մասին հայտնում է The Jerusalem Post-ը։

«Անօդաչուն արձակվել է վարչապետ Նեթանյահուի՝ Կեսարիայում գտնվող տան ուղղությամբ։ Վարչապետն ու նրա կինը տանը չեն եղել։ Միջադեպի հետևանքով տուժածներ չկան»,- հայտարարել է Նեթանյահուի խորհրդական Դմիտրի Գենդելմանը։

Multiple Ambulances in Caesaria (09h30) pic.twitter.com/9ziMP6tleF

— MenchOsint (@MenchOsint) October 19, 2024

Sky News Arabia-ի տվյալներով՝ ոստիկանությունը շրջափակել է այն տարածքը, որտեղ գտնվում է հարձակման ենթարկված տունը։ «Հարձակման հետևանքները դեռ պարզ չեն»,- հավելել է հեռուստաալիքի աղբյուրը:

Ավելի վաղ Իսրայելի պաշտպանության բանակի մամուլի ծառայությունը հայտնել էր, որ Լիբանանի տարածքից Հրեական պետության ուղղությամբ արձակվել է 3 անօդաչու։ Դրանցից երկուսին հաջողվել էր խոցել, իսկ մեկն էլ հարվածել էր Կեսարիայում գտնվող տներից մեկին։ Հարձակման հետևանքով տուժածների մասին իսրայելական բանակը չէր հայտնում։

Կոլաժը՝ freepressjournal.in-ից