Իրաքը որոշել է ժամանակավորապես փակել իր օդային տարածքը քաղաքացիական ավիացիայի թռիչքների համար։ Այդ մասին հայտարարել է Իրաքի տրանսպորտի նախարար Ռազաք Մուհայբես աս-Սաադավին։ Որոշումը կայացվել է Իսրայելին ուղղված Իրանի հրթիռային հարվածների պատճառով:

🇮🇶❌ As expected, Iraqi airspace is now closed.

A0422/24 NOTAMN Q) ORBB/QAFLC/IV/NBO/E/000/999/3320N04440E999 A) ORBB B) 2410011730 C) 2410012100 E) BAG FIR CLSD DUE TO SECURITY UNF. pic.twitter.com/2TCBrNoA2A

— Flightradar24 (@flightradar24) October 1, 2024

«Իրաքը ժամանակավորապես փակում է իր օդային տարածքը՝ քաղաքացիական ինքնաթիռների անվտանգությունն ապահովելու նպատակով, որոնց երթուղիներն անցնում են Իրաքի տարածքով»,- նախարարի խոսքերը մեջբերել է INA գործակալությունը։

Տրանսպորտի նախարարը հավելել է, որ «Իրաքի տարածքում գտնվող բոլոր օդանավակայանների աշխատանքն այս պահին դադարեցված է»։

Հիշեցնենք, որ ավելի վաղ Իսրայելի բանակը հայտարարել էր, որ Իրանը հրթիռային հարձակում է սկսել Իսրայելի տարածքի ուղղությամբ: Օդային տագնապ է հայտարարվել երկրի ողջ տարածքում, բնակչությանը հրահանգվել է մնալ ապաստարաններում։ 

Լուսանկարը՝ Getty Images-ի