«ՀՀ փորձագիտական կենտրոն» ՊՈԱԿ-ում անհայտ ծագման նյութերի փորձաքննությունների շրջանակն ընդլայնվել է:

Կենտրոնի տարածած հաղորդագրության համաձայն՝ հնավորությունների ընդլայնման  և նոր սարքավորումների ձեռք բերման շնորհիվ այսուհետ կիրականացվեն նաև պարարտանյութերի, թունաքիմիկատների և գյուղատնտեսության ոլորտում կիրառվող այլ օժանդակ նյութերի հետազոտություններ:

«Մասնավորապես, տարբեր օբյեկտներում և կրող առարկաների վրա դրանց հետքերի հայտնաբերման, տեսակների որոշման և նույնականացման վերաբերյալ: Բացի այդ, հնարավոր կլինի որոշել նաև նշված ապրանքատեսակների որակական ցուցանիշները և դրանց համապատասխանելիությունը՝ ՀՀ տարածքում գործող ստանդարտների պահանջներին»,- նշված է հաղորդագրությունում։