Հաշվի առնելով Ադրբեջանի կողմից Ղարաբաղի հայերի դեմ ռազմական գործողությունը՝ Եվրոպական միության արտաքին հարաբերությունների և անվտանգության քաղաքականության բարձր ներկայացուցիչ Ժոզեպ Բորելը որոշել է տարածաշրջան ուղարկել ԵՄ հատուկ ներկայացուցիչ Տոյվո Կլաարին։ Այս մասին Բորելը գրել է X-ի (նախկինում՝ Twitter) իր միկրոբլոգում։

In view of the military operation by #Azerbaijan against Karabakh Armenians, I have decided to send EUSR @ToivoKlaar to the region.

He will report back on the state of play.

— Josep Borrell Fontelles (@JosepBorrellF) September 20, 2023

Ավելի վաղ ԵՄ ներկայացուցիչը հայտարարությամբ էր հանդես եկել՝ կոչ անելով Ադրբեջանին անհապաղ դադարեցնել ռազմական գործողությունները։

Սեպտեմբերի 19-ին Նյու Յորքում ՄԱԿ ԳԱ 78-րդ նստաշրջանի շրջանակներում Հայաստանի արտգործնախարար Արարատ Միրզոյանը հանդիպել էր Ժոզեպ Բորելին, ներկայացրել սեպտեմբերի 19-ից Լեռնային Ղարաբաղի ժողովրդի դեմ Ադրբեջանի կողմից իրականացվող լայնածավալ ագրեսիայի մանրամասները։