Արտաքին գործերի նախկին նախարար Վարդան Օսկանյանը իր ֆեյսբուքյան էջում հրապարակած տեսանյութում ասում է, որ մեկ շաբաթ գտնվելով ԱՄՆ-ում՝ հանդիպել է տարբեր կազմակերպությունների, մարդկանց  հետ, որոնք ՀՀ անկախության առաջին օրվանից եղել են Հայաստանի կողքին։ Այդ կազմակերպությունները, մարդիկ Լաչինի միջանցքի բացման ու հայ-ադրբեջանական բանակցությունների հարցերում ուզում են օգնել Հայաստանին, սակայն բախվում են մի մեծ պատի։

«Երբ նրանք դիմում են իրենց կառավարություններին, նրանց պատասխանը  լինում է միանշանակ՝ այն, ինչ, դուք եք ուզում, չի համապատասխանում նրան, թե ինչ է ուզում Հայաստանի կառավարությունը։ Մենք պետք է ներսից և դրսից պարտադրենք  ՀՀ իշխանություններին,  որ փոփոխություն մտցնեն իրենց մոտեցումների մեջ։  Նիկոլ Փաշինյանի կողմից Պրահայում Ադրբեջանի տարածքային ամբողջականության ճանաչումը՝ Արցախը ներառյալ, ավերներ է  գործում, դրանում կարող եք չկասկածել.... Կոչ եմ անում ժողովրդին պահանջատեր լինել, փողոց դուրս գալ, ճնշում գործադրել Փաշինյանի վրա, որ հետ կանգնի այդ հայտարարությունից»,- ասում է Վարդան Օսկանյանը։

Մանրամասները՝ տեսանյութում: