Երասխի մետալուրգիական գործարանի շինարարական աշխատանքներում ներգրավված և ադրբեջանական կողմի կրակոցներից վիրավորված երկու օտարերկրացիների վիրահատություններն ավարտվել են: Վիրահատություններն անցել են բարեհաջող, նրանց առողջական վիճակը գնահատվում է միջին ծանրության: Այս մասին հայտնում է առողջապահության նախարարությունը։

Հիշեցնենք՝ ավելի վաղ Պաշտպանության նախարարությունը հայտնել էր, որ վիրավորվածները Հնդկաստանի քաղաքացիներ Մուհամադ Ասիֆը և Միրհասան Սահաջան են։