
ԱՀԿ-ն հայտարարել է կորոնավիրուսի համավարակի ավարտի մասին
Առողջապահության համաշխարհային կազմակերպության ղեկավար Տեդրոս Ադհան Գեբրեյեսուսը հայտարարել է, որ ԱՀԿ-ն կորոնավիրուսի տարածումն այլևս չի համարում միջազգային նշանակության արտակարգ իրավիճակ։ Այդ մասին նա հայտարարել է մայիսի 5-ին կայացած մամուլի ասուլիսի ժամանակ։
🚨 BREAKING 🚨
— World Health Organization (WHO) (@WHO) May 5, 2023
"Yesterday, the Emergency Committee met for the 15th time and recommended to me that I declare an end to the public health emergency of international concern. I have accepted that advice"-@DrTedros #COVID19 pic.twitter.com/esKKKOb1TZ
Նա նշել է, որ քովիդը չի դադարել լինել բնակչության առողջության համար գլոբալ սպառնալիք։
«Նախորդ շաբաթ COVID-19-ը յուրաքանչյուր երեք րոպեն մեկ խլել է մեկ մարդու կյանք և դրանք միայն այն դեպքերն են, որոնց մասին մենք գիտենք»,- ասել է կազմակերպության ղեկավարը։
ԱՀԿ-ն հայտնել է կորոնավիրուսից գրեթե 7 միլիոն մարդու մահվան մասին, սակայն, կազմակերպության ղեկավարի խոսքով, զոհերի թիվը, հավանաբար, ավելի մեծ է և մոտենում է 20 միլիոնի։
ԱՀԿ-ն 2020 թվականի հունվարին կորոնավիրուսով պայմանավորված իրավիճակն ու դրա տարածումն անվանեց արտակարգ իրավիճակ, իսկ 2020 թվականի մարտին Թեդրոս Ադհան Գեբրեյեսուսը հայտարարեց, որ աշխարհում COVID-19-ի տարածումը «կարելի է բնորոշել որպես համավարակ»։
Լուսանկարը՝ Punit PARANJPE / AFP
Մեկնաբանել