Ապրիլի 21-ին տեղի է ունեցել Հայաստան-ԵԽ համագործակցության 2023-2026թթ. գործողությունների ծրագրի՝ Հայաստանի զինված ուժերում մարդու իրավունքների խթանմանն առնչվող ենթածրագրի բացման միջոցառումը: Այս մասին հայտնում են Պաշտպանության նախարարությունից։

Ողջույնի խոսքով հանդես է եկել Պաշտպանության նախարարի տեղակալ Արման Սարգսյանը և նշել, որ պաշտպանության նախարարությունը բարձր է գնահատում եվրոպական արժեհամակարգի վրա խարսխվող մարդու իրավունքների, իրավական սկզբունքների և չափորոշիչների բարելավմանն ուղղված միջոցառումների իրականացումը ՀՀ զինված ուժերում և համագործակցության նոր ծրագիրը, որը բխում է պաշտպանության նախարարության բարեփոխումների տեսլականից: