Էջմիածնի համայնքապետարանում որոշել են այսօր միացնել քաղաքի գլխավոր տոնածառի և փողոցների տոնական լուսավորությունը։

Համայնքապետարանի մամուլի քարտուղար Սիրանուշ Գևորգյանը «Հետքին» փոխանցեց, որ Ամանորի ծախսերի համար նախատեսված է 15 միլիոն դրամ, որի մեջ ներառված է նաև համայնքից 44-օրյա պատերազմի զոհերի ընտանիքների երեխաների համար նախատեսված նվերների գումարը։

Տարբեր տարիքի 30 երեխաներին նվերները կհանձնվեն դեկտեմբերի 20-ին՝ համայնքապետ Դիանա Գասպարյանի հետ հանդիպման ժամանակ։