ԱԺ պատգամավոր, Սամվել Ալեքսանյանը «Հետքի» հետ զրույցում ասաց, որ օրեր առաջ շուկայի հետնամասի տանիքի փլուզումն իր հետ կապ չունի: «Շուկայի քանդվելու հետ ես կապ չունեմ: Հանձնաժողով է ստեղծվել, որ ուսումնասիրեն, տեսնեն, թե ինչից է քանդվել շուկան: Ես շուկան քանդելու ցանկություն  չունեմ»,-ասաց Սամվել Ալեքսանյանը: 

Ճի՞շտ է, որ շուկայի շենքի վրա եւս 4 հարկ կառուցվելու է:

Ո՞վ ա ասում էդ լուրերը:

Մամուլն է գրել:

Ցավդ տանեմ, մամուլում օրը հազար ձեւի բան են գրում, ոչ մի հարկ էլ չի կառուցվելու:

Ի վերջո, կարո՞ղ եք հրապարակային ասել, որ շուկային ձեռք չեք տալու:

Ասում եմ` շուկային ձեռք չեմ տալու:

Իսկ ինչպե՞ս եք վերականգնելու տանիքի փլուզված մասը:

Նույնությամբ վերականգնելու ենք, ճարտարապետությանն էլ ձեռք չենք տալու:

Իսկ «Փակ շուկայի» շենքը վերանորոգումից հետո ի՞նչ նպատակով է օգտագործվելու:

Շուկան ծառայելու է որպես շուկա:

«Սիթի» չի լինելու՞:

Եթե ժողովուրդը շատ ուզենա, «Փակ շուկայի» շենքի մի մասը «Սիթի» կդառնա: