«Իմ քայլը» խմբակցության ցուցակով խորհրդարան մտած Խաչատուր Սուքիասյանի եղբորը՝ Ռոբերտ Սուքիասյանին, մեղադրանք է առաջադրվել Քրեական օրենսգրքի 258-րդ հոդվածի 4-րդ մասով, այսինքն՝ խուլիգանություն, որը կատարվել է զենքի կամ որպես զենք օգտագործվող առարկայի գործադրմամբ, նրան կալանավորելու վերաբերյալ միջնորդություն է նորկայացվել դատարան:

Ռոբերտ Սուքիասյանի պաշտպան Գոռ Միքայելյանը հայտնում է, որ կալանավորման միջնորդության և Սուքիասյանին ձերբակալելու որոշման դեմ բողոքը կքննվի վաղը` հուլիսի 21-ին:

Հիշեցնենք, որ հուլիսի 18-ին, Երևանի կենտրոնում՝ Ամիրյան 18 հասցեում, մի քանի մարդ վիճաբանել են, հարվածներ են հասցրել իրար, որի ընթացքում նաև կրակոցներ են հնչել: Միջադեպի ընթացքում ԱՄՆ-ի քաղաքացի մի տղամարդ ոտքի շրջանում հրազենային վնասվածք է ստացել:

Քրեական գործով որպես կասկածյալ է ներգրավվել Ռոբերտ Սուքիասյանը, ով ներկայացել է ոստիկանություն, ձերբակալվել: Նա ցուցմունք է տվել, հայտնել, որ կրակոցն ինքն է արձակել ինչպես նաև նշել, թե պաշտպանվելու նպատակով է կրակել: