Երևանի նախկին քաղաքապետ Տարոն Մարգարյանը քիչ առաջ Դուրյան թաղամասի 177-րդ դպրոցում տեղակայված 1/19 ընտրատեղամասում քվեարկությանը մասնակցելու էր եկել:

Նրան ուղեկցում էին կինը, մայրը և երեխաները: Մարգարյանների ընտրության ժամանակ հանձնաժողովի անդամ Կարեն Փիրոյանի ձեռքում ծաղկեփունջը նկատելիս հարցրինք, թե արդյոք այն նախատեսված է Մարգարյան տիկնանց համար: Պարզվեց՝ այո: Սակայն հանձնաժողովի անդամը, հասկանալով, որ մեր տեսախցիկը կարող է  ֆիքսել այն, ծաղկեփունջը փոխանցեց այլ աղջիկների:

Տարոն Մարգարյանին հարցրինք, թե արդյոք կուզենար կրկին Երևանի քաղաքապետ դառնալ: Վերջինս պատասխնեց, որ հիմա ԱԺ ընտրություններ են, դրանից հետո առիթ կունենա խոսելու և շփվելու: