Եվրասիական տնտեսական հանձնաժողովը փոփոխություններ է մտցրել բժշկական սարքավորումների ստանդարտների ցանկնում, որոնք կամավորության սկզբունքով՝ ամբողջական կամ մասնակի կիրառման արդյունքում ապահովում են բժշկական սարքերի համապատասխանությունը անվտանգության և արդյունավետության ընդհանուր պահանջներին, ինչպես նաև՝ դրանց մակնշման և պիտակավորման պահանջներին և դրանց կիրառման գործնական փաստաթղթերին:

Մասնավորապես, փոփոխվել են 8 ստանդարտներ, որոնք փոխարինվել են ավելի արդիական տարբերակներով, ավելացվել է 8 նոր ստանդարտ և չափագրման մեկ մեթոդիկա, հանվել են 7 հնացած ստանդարտներ։

Նորերը, ըստ ԵՏՀ-ի, համապատասխանում են բժշկական արտադրանքների անվտանգության և արդյունավետության ժամանակակացի պահանջներին։

Կկրճատվել են դեղարտադրության տեղափոխման ժամանակ կատարվող կրկնափորձաքննությունները

Եվրասիական տնտեսական հանձնաժողովը հավանություն է տվել նաև դեղերի արտադրության և վերլուծական մեթոդների կիրառման ուղեցույցին, որը պետք է կիրառվի ԵԱՏՄ երկրներում։

Այդ փաստաթուղթը, ըստ ԵՏՀ-ի, թույլ կտա դեղարտադրության ժամանակ կրճատել կրկնակի իրականացվող փորձաքննությունները ՝ առանց դրանց որակի վատթարացման և անվտանգության խախտման:

Ձեռնարկը կարգավորելու է դեղերի արտադրական գործընթացը՝ մի տեղից մյուսը տեղափոխելու ժամանակ, հատկապես՝ որակի վերահսկման մասով։ Բացի այդ, դրանով կարգավորվելու է գործընթացի փաստաթղթային ձևակերպումն ու դրա իրականացման հաջորդականությունը։

Փաստաթուղթը կարող է օգտագործվել նաև այլ ոլորտներում, օրինակ, կենսաբժշկության մեջ, կլինիկական լաբորատորիաներից վերլուծական մեթոդիկաներ տեղափոխելիս: