Նիկոլ Փաշինյանի խոսնակ Մանե Գեւորգյանը  ֆեյսբուքյան իր էջում գրառում է կատարել՝ տեղեկացնելով, որ վարչապետի կողմից ստորագրված հայտարարության մեջ ԼՂ-ում թուրք խաղաղապահների տեղակայման հարց չի քննարկվել։

«Հրապարակված տեքստում այդ մասին որեւէ բառ չկա։ Այդ, ինչպես նաեւ Տավուշի մարզի որոշ գյուղերի՝ Ադրբեջանին անցնելու մասին տեղեկությունները կեղծ են, չեն համապատասխանում իրականությանը: Սիրելի հայրենակիցներ, հորդորում ենք չտրվել սադրանքների եւ ԶԼՄ հարգելի ներկայացուցիչներ, մի փորձեք խեղաթյուրել փաստերը: Փաստաթուղթը պաշտոնապես հրապարակվել է, եւ ինքներդ կարող եք ծանոթանալ դրան», - նշել է Գեւորգյանը: