Երևան քաղաքի ընդհանուր իրավասության դատարանի դատավոր Աննա Դանիբեկյանը քիչ առաջ հեռացավ խորհրդակցական սենյակ Ռոբերտ Քոչարյանի և Մարտի 1-ի գործով մյուս ամբաստանյալների նկատմամբ քրեական հետապնդումը դադարեցնելու, գործի վարույթը կարճելու միջնորդությունների վերաբերյալ որոշում կայացնելու:

Հիշեցնենք, որ արդեն մի քանի դատական նիստ է՝ Ռոբերտ Քոչարյանի գործով մյուս մեղադրյալներ Արմեն Գևորգյանի, Յուրի Խաչատուրովի և Սեյրան Օհանյանի պաշտպանները միջնորդություններ են ներկայացնում իրենց պաշտպանյալների նկատմամբ քրեական հետապնդումը դադարեցնելու, գործի վարույթը կարճելու վերաբերյալ:

Միջնորդության հիմքում դրված հանգամանքները բազմաթիվ են, պաշտպանները պնդում են, որ ամբաստանյալներին չէր կարող Քրեական օրենսգրքի 300.1-րդ հոդվածով մեղադրանք առաջադրվել, որ Ռոբերտ Քոչարյանի դեպքում չի հաղթահարվել նախագահի անձեռնմխելիության արգելքը: Ներկայացվել են նաև այլ հիմնավորումներ:

Միջնորդությունների վերաբերյալ որոշումը կհրապարակվի մարտի 3-ին: