2020 թվականի ապրիլի 5-ին կայանալիք` Սահմանադրության փոփոխությունների հանրաքվեի նախապատրաստման և անցկացման ծախսերը ֆինանսավորելու համար գործադիրը մոտ 3,5 մլրդ դրամ կհատկացնի 2020 թվականի պետական բյուջեով նախատեսված Կառավարության պահուստային ֆոնդի հաշվից:

2,5 մլրդ դրամը կհատկացվի Կենտրոնական ընտրական հանձնաժողովին: ԿԸՀ-ին կտրամադրվի նաև 660 մլն դրամ՝ հանրաքվեի քվեարկության ժամանակ առնվազն 1.500 տեղամասերից քվեարկության ընթացքի և քվեարկության արդյունքների ամփոփման գործընթացի տեսանկարահանման և միաժամանակյա համացանցային հեռարձակման գործընթացն ապահովելու նպատակով: Ոստիկանությանը գործադիրը կհատկացնի մոտ 235 մլն դրամ:

«Ծախսվող գումարը, ի վերջո, ներհոսելու է տնտեսություն: Ժողովրդի ազատ կամարտահայտման համար պետք է ծախսվեն գումարներ: Քննարկումներն ու շահարկումներն այստեղ տեղին չեն»,- նշեց վարչապետ Փաշինյանը: