«Բարգավաճ Հայաստան» խմբակցության քարտուղար Արման Աբովյանի ներկայացրած «Ազգային Ժողովի կանոնակարգ» սահմանադրական օրենքում փոփոխություններ կատարելու մասին նախագիծն առաջին ընթերցմամբ ընդունվեց 81 կողմ, 4 դեմ, 23 ձեռնպահ ձայների հարաբերակցությամբ։

Այս նախագծով առաջարկվում է խմբակցություններին տրամադրվող փորձագետների թիվն ավելացնել։

Ըստ նախագծի՝ առաջարկվում է օրենքով ամրագրել, որ մինչև 14 անդամ ունեցող խմբակցություններն ունենում են աշխատակազմի հաստիքացուցակով սահմանված մեկ գործավար և առավելագույնը երեք փորձագետ, իսկ 14-ից ավելի անդամ ունեցողները` մեկ գործավար և առավելագույնը հինգ փորձագետ՝ գործող 4-ի փոխարեն:

Նախագիծը դեռևս պետք է երկրորդ ընթերցմամբ քննարկվի, ապա վերջնական քվեարկության ներկայացվի։