Զարթոնքում համայնքապետի արտահերթ ընտրություններին 9:30-ի դրությամբ 1586 ընտրողից մասնակցել է 129-ը։ Ընտրատեղամասում երկու թեկնածուներից ներկայացված է մեկական վստահված անձ:

Համայնքի ղեկավարի պաշտոնի համար պայքարում է նաև նախկին համայնքապետ Պարույր Սարգսյանը, ով ապրիլին տեղի ունեցած միջադեպից հետո հրաժարական էր ներկայացրել, վստահված անձ է գրանցվել նրա թոռը՝ Նարեկ Մելքոնյանը։ Վերջինս նշված միջադեպի ժամանակ կրակոցներ էր արձակել բնակչության ուղղությամբ։

Մյուս թեկնածուն անհատ ձեռնարկատեր Սամվել Աղաջանյանն է:

Թիվ 15/3 ընտրատեղամասում 9:30-ի դրությամբ գրանցվել է 16 օգնող, որոնք, ըստ հանձնաժողովի քարտուղարի, հիմնականում եզդի համայնքի ներկայացուցիչներից են եղել։

«16 գրանցված օգնողից միայն երեքն են հայ եղել»,- նշեց քարտուղարը։

Սոնա Աբունց