Երևանում առավոտից սկսել է գործարկվել MAN մակնիշի նոր ավտոբուս:

Այն դեռևս փորձնական է, երթուղի է դուրս եկել այսօրվանից և սպասարկելու է N 26 երթուղին, որը ձգվում է Հարավ-արևմտյան թաղամասից մինչև Նորքի 9-րդ զանգված:

Թեեւ լուրեր տարածվեցին, որ ավտուբուսը գործարկվում է նոր ներդրվող միասնական երթուղային ցանցի ծրագրով, սակայն Երևանի քաղաքապետարանից «Հետք»-ին պարզաբանեցին, որ ավոտուբուսը գործարկվում է մասնավոր ընկերության նախաձեռնությամբ, շահագործվում է N 26 երթուղայինի տնօրինության կողմից: