Այս առավոտ կալանավորվել է «Հայկական ժամանակ» օրաթերթի լրագրող Հայկ Գևորգյանը:

Ոստիկանության հասարակայնության հետ կապերի և լրատվության վարչության աշխատակից Արմեն Մալխասյանը news.am-ին տեղեկացրել է, որ Հայկ Գևորգյանը հետախուզման մեջ է եղել հունվարի 23-ից ՀՀ քրեական օրենսգրքի 242 հոդվածի 1-ին մասի (Ճանապարհային երթևեկության և տրանսպորտային միջոցների շահագործման կանոնները խախտելը) և 244 հոդվածի (Ճանապարհատրանսպորտային պատահարի վայրը թողնելը) հատկանիշներով:

Լրագրողի փաստաբան Վահե Գրիգորյանը «Հետքին» ասաց, որ առայժմ պատրաստ չէ մեկնաբանություններ տալ դեպքի առթիվ: Փաստաբանն արդեն հանդիպել է Հայկ Գևորգյանի հետ Կենտրոնի ոստիկանությունում, նրա հետ հանդիպելու է նաև ժամը 16:00-ին: