Արմավիրի մարզի Արշալույս գյուղում այսօր շարունակվում են բողոքի ակցիաները: Գյուղացիները ամիսներ շարունակ պահանջում են համայնքապետ Զարզանդ Գրիգորյանի հրաժարականը: Հունվարի 31-ից համայնքապետարանը չի աշխատում: Այսօր էլ համայնքապետարանի մուտքը հսկվում է ոստիկանների կողմից:

Արշալույսի բնակիչ Ավագ Շահբազյանը «Հետք»-ին տեղեկացրեց, որ արշալույսցիների համբերության բաժակը սպառվել է, և պատկան մարմինները պետք է լուծում գտնեն:

Ավագը նշեց, որ եթե մինչ երեկո իրենց հստակ պատասխան չտան` բողոքի ակցիաներն իրականացնելու են շուրջօրյա:

Ցուցարարներից Երանուհին էլ ասաց, որ թավշյա հեղափոխությունը շրջանցել է իրենց գյուղը: Գյուղացիները ստորագրություններ են հավաքել և ուղարկել կառավարություն: Մեկ ամսից ավել է՝ պատասխան չկա:  

Ավագը

Երանուհին